“Хүүхдийн фонд”-д хандив цуглуулах томоохон арга хэмжээ 2020 оны сүүлчээр цахимаар болж, өдгөөг хүртэл хэл ам дагуулсаар байна. Дээд албан тушаалтан нь ажилтнуудаа нэг өдрийн цалингаа хандивла хэмээн шахаж, төрийн тэргүүнд тал зассан зарим эрхмүүд байгууллагынхаа нэрийн өмнөөс олон зуун саяар нь хандив өргөж, Соёлын сайд, БСШУ-ны дэд сайд нь хүртэл өөгшүүлэн дэмжиж явсан нь нийтийн шүүмжлэлийг хүлээгээд байгаа.

Үүнийг АТГ-ын дэргэдэх Олон нийтийн зөвлөлийн дарга Г.Баасан “Боловсон дээрэм” хэмээн тодорхойлов. Тэрбээр “Хандив хамгийн гол нь сайн дурынх байдаг. Мөн хэдийг өгөх вэ гэдгээ тухайн хүн өөрөө шийддэг байх ёстой. Гэтэл нэг, хоёр өдрийн цалинг хандивт өгнө гэдэг албан тушаалын боловсон дээрэм юм.

Нөгөөтэйгүүр, хэчнээн төгрөгийн хандив хэн хаанаас өгөв, хэд цугларав гэдгийг нээлттэй тайлагнах ёстой. Тэгээгүй тохиолдолд энэ бол авлигын нэг хэлбэр” хэмээв.

Тиймдээ ч уг арга хэмжээнд оройлон оролцсон Соёлын сайд, дэд сайдыг албан тушаалаас нь огцруулах асуудлыг хүчтэй тавьж, намууд ч  хүчтэй шахалт үзүүлээд эхэлсэн байна.

У.Тэргэл