Ковидын эсрэг хуулийг хэлэлцэх үед УОК-ын дарга, Шадар сайд Я.Содбаатар гишүүдийн эсэргүүцэлтэй тулж, тэдний дунд нэлээдгүй маргаан, шүүмжлэл өрнөж байлаа. УИХ-ын гишүүд хатуу хөл хориогоо суллавал яасан юм. Аж ахуйн нэгж, байгууллагууд дампуурч дууслаа. Жижиг, дунд үйлдвэрлэл эрхлэгчид ажилтнуудаа халж, олон айл өрх хоолгүй хоосон хонож байна” хэмээн цухалдаж, харин Шадар сайд нөхцөл байдлыг тайлбарлаж байв.

Тэрбээр "Би хаагаад, боогоод байгаа юм биш. Мэргэжлийн хүмүүс, ЭМЯ, эрдэмтэн судлаачид халдварт өвчин дэлгэрнэ гэж зөвлөж байгаа.  Хаахгүй, хязгаарлахгүй  бол жилийн эцэст  400-450 хүн, Цагаан сар болоход 2800 хүн өвчлөх магадлалтай гэдгийг мэргэжлийнхэн хэлж байна.

Дэлхий нийт 3-4 аргаар л ноцолдож байна. Нэг нь хөл хорионы дэглэм. Мэргэжлийн хүмүүс маш нарийн тооцоо  судалгаа, математик аргачлалаар бодож гаргасан тоо. Би дээшээ харж суугаад гаргасан тоо биш” хэмээж байв.

Цагаан сар болоход ердөө 30 хүрэхгүй  хоног үлдлээ. Гэтэл өнөөдөр халдвар авсан хүний нийт тоо 1349-д хүрчээ. Өдөрт 10,20 бүр 40 гаруйгаар нэмэгдэж байгаа энэ цагт Цагаан сар гэхэд сэрэмжлүүлээд байсан тэр тоондоо хүрчихвий гэсэн болгоомжлол байна. Муу амалж байгаадаа бус  нөхцөл байдал ингэж харагдаад байна.

У.Тэргэл