УИХ-ын өнөөдрийн чуулганаар Үндсэн хуулийн цэцийн 12 дугаар дүгнэлтийг сонслоо. Цэцээс УИХ-ын 2020 оны нэгдүгээр сарын 10-ны өдөр баталсан Эрүүгийн хуульд нэмэлт, өөрчлөлт оруулах тухай хуулийг дагаж мөрдөх журмын тухай хууль нь Үндсэн хуулийн холбогдох журмыг зөрчсөн гэж үзэн түдгэлзүүлжээ.

Уг асуудлаар УИХ дахь Хууль зүйн байнгын хороо хэлэлцэж, Цэцийн дүгнэлтийг хүлэн авах боломжгүй гэж үзжээ. Байнгын хорооны дүгнэлттэй холбогдуулан гишүүд асуулт асууж байна.

Т.Аюурсайхан: Хөөн хэлэлцэх хугацаатай холбоотой завхарлыг үүсгэсэн. Маш олон хүмүүст ял завших боломж гаргасан. Дагаж мөрдөх журмын хуулийг баталж байхад хэдэн зуун хэргүүдийг хэрэгсэхгүй болгосон байсан. Үүнийгээ засна гээд Дагаж мөрдөх журмын хуульд оруулж болно гээд байсан нь Үндсэн хууль зөрчсөн гэдэг дүгнэлт гарчихлаа. Хэн энэ хариуцлагыг хүлээх вэ. Нийгэмд хор хориол учруулсан, шударга ёсны хэм хэмжээг алдагдуулсан, нэг хэсэг нь хийсэн хэргийнхээ төлөө ял авч байхад нөгөө хэсэг нь ял завшиж байгааг хэн хариуцах вэ.

Бид өнөөдөр Цэцийн дүгнэлтийг хүлээн авахгүй байж болох ч Их суудлын хуралдаанаараа дунд суудлынхаа шийдвэрийг баталгаажуулбал энэ их хор, хохирлыг хэн хариуцлага хүлээх вэ.

Ц.Сандаг-Очир гишүүнийг яагаад тэнд аваачиж, эвгүй байдалд оруулж байгаа юм.

Хийсэн хүмүүс өөрсдөө очиж хамгаалах хэрэгтэй. Хуульч гишүүдээ явуулах хэрэгтэй. Ингэж парламентыг эвгүй байдалд оруулж байна. УИХ-аар ийм шийдвэр гаргуулсан байна. Бүх зүйл тодорхой байна. Үнэнд гүйцэгдэж байна. Одоо үүнийгээ хариуцасан шиг хариуцах хэрэгтэй.

Энэ хууль чинь унаад байна. Цаашид ял завших боломжийг яаж зогсоох юм. Толгойгоо ажиллуулах хэрэгтэй. Цаашид юу хийх вэ. Алдаа дутагдлаа хариуцах хэрэгтэй.

Б.Лхам