УИХ-ын өнөөдрийн чуулганаар Үндсэн хуулийн цэцийн 12 дугаар дүгнэлтийг сонслоо. Цэцээс УИХ-ын 2020 оны нэгдүгээр сарын 10-ны өдөр баталсан Эрүүгийн хуульд нэмэлт, өөрчлөлт оруулах тухай хуулийг дагаж мөрдөх журмын тухай хууль нь Үндсэн хуулийн холбогдох журмыг зөрчсөн гэж үзэн түдгэлзүүлжээ. Уг асуудлаар УИХ дахь Хууль зүйн байнгын хороо хэлэлцэж, Цэцийн дүгнэлтийг хүлэн авах боломжгүй гэж үзжээ. Байнгын хорооны дүгнэлттэй холбогдуулан гишүүд асуулт асууж байна.

Д.Ганбат: Үндсэн хуулийн цэц хийх ёстой ажлаа хийжээ. Энэс бузар булай зүйлийг яагаад ийм болгочихов. АН-ын бүлгийн гишүүний хувьд энэ манд чинь оролцож чадахгүй. Ярьж байгаа зүйл нь бүгд зохион байгуулалттай.

МАН ээлжит матрын нулимсаа унагаж байна.

Матрын нулимс гэдгийг бүгд мэднэ. Барьж идэх гэж байсан амьтнаа унагахад матар нулимсаа унагадаг. Та бүхэн нулимсаа л унагаж байна. Харин идэгдэж байгаа нь ард түмэн. Авлига, албан тушаалын хэргийг хэрэгсэхгүй болгож, хуулийг завхруулсан хүмүүс бол Хууль зүйн сайд болдог, УИХ-ын олонх болдог.

Сонгуулийн хуулийг яаж самарсан нь Үндсэн хуулийн цэцийн 11 дүгээр дүгнэлтээр гарлаа. Мөн Эрүүгийн хуулийг яаж самарсан нь Цэцийн 12 дахь дүгнэлтээр гарч байна.

Ийм байдлаар авлига, албан тушаалын хэрэгтэй эвлэлдээд явбал МАН тарсан нь дээр. Та нарыг 1990 онд тараах ёстой байсан гэдэг нь зөв байсан юм байна.

Авлига, албан тушаалын гэмт хэрэгтнүүдийн энэ мэтээр өөгшүүлээд байвал коммунист Хууль зүйн сайд, Засгийн газар, УИХ огцор” гэлээ.

Б.Лхам