УИХ-ын чуулганаар Шүүхийн тухай хуулийг хэлэлцэж байна. Энэ үеэр гишүүд асуулт асууж, хариулт авлаа. 

Ш.Адьшаа: Шүүх байгууллагын бие даасан хараат бус байдлын амин сүнс болсон Үндсэн хулуийн бүтцийн байгууллага болох ШЕЗ, Шүүхийн сахилгын хороог эдийн засгийн хараат байдалд оруулж, хууль тогтоох байгууллагын харьяанд шахуу оруулж ирсэн. Шүүхийн бие даасан хараат бус байдлаар ажиллана гэсэн Үндсэн хуулийн үзэл баримтлалыг зөрчиж байгаа хэрэг. Энэ талаар тайлбар сонсъё.

Хоёрдугаарт, Үндсэн хуулийн дараа орох энэ хуулийг хэвлэл мэдээлэл, мэргэжлийн холбоо, эрдэмтэн судлаачдын санал дүгнэлтийг авахгүйгээр баталлаа. Үүнийг асууя.

Гуравдугаарт, Засгийн газраас өргөн баригдсан хуулийн төслийн 80 гаруй хувь нь өөрчлөгдсөн. Үзэл баримтлалын хувьд өөрчлөгдсөн хуулийг бид батлах гэж байна. Ц.Нямдорж сайдын үед боловсруулсан хуулийн төсөл сайн байсан гэж бодож байгаа. Гэтэл Б.Энхбаяр гишүүн өөрийнхөө үзэл баримтлалаар Үндсэн хуулийн зөрчилд хамаарах заалтыг батлуулсан шүү. Тайлбар сонсъё.

С.Бямбацогт: УИХ-аас өөр хэн нэгэн субъект хууль батлахгүй. Энэ хүрээнд Засгийн газар Шүүхийн тухай хуулийг санаачилсан. Ингэхдээ хоёр парламент дамжуулан хэлэлцэж байна. Ерөнхийлөгчийн саналыг авч, танилцуулсан. АН-ын бүлгийн хүсэлтээр сар гаруйн хугацаанд завсарлага авсан. Харьцангуй удаан хугацаанд хэлэлцэгдэж, батлагдаж байгаа.

Б.Энхбаяр: Та бол манай ажлын хэсгийн гишүүн. Ажлын хэсэг дээр асуудлаа ярих боломжтой. Их цөөн ирсэн л дээ. Тэгсэн хэрнээ хэлэлцэхгүй байна гэдэг юм. Хоёрдугаарт, хар хүний өмнөөс шар хүн гэж хэнээс эрх мэдэл булаах гээд байгаа дээр гомдоод байгаа юч м шиг яваад байгаа. Ерөнхийлөгч шүүгчдийг томилж байгаа. Хэт их эрх мэдлийг өгөхөөр ямар ч сайн хүн байсан ялзарч байна шүү дээ. Одоо байгаа нь болохгүй байгаа учраас өөрчлөх гээд байгаа. Тийм юм бол Ерөнхийлөгчийн Тамгын газрынхаа ажлыг хийх хэрэгтэй. Нэг хүний төлөөлөл болох гэж орж ирсэн юм уу.

Б.Лхам