Хөл хориог улам чангаруулахтай холбоотойгоор ажиллах хүмүүсийн нэрсийг төрийн байгууллагуудаас аваад эхэлжээ. Учир нь, хатуу хөл хорионы үед зайлшгүй шаардлагатай 13 байгууллагын ажилтныг ажиллуулахыг зөвшөөрсөн бол одоо хоёр дахин багасган 50 хувиар бууруулахаар болсон байна.

Нийслэлд тэг зогсолт хийн, халдварын голомтоо хумихыг иргэд шаардаж буй. Харин “Оном” сангийнхан  “Нэг өрх-нэг иргэн” хувилбараар өрх бүрийн нэг хүнээс шинжилгээ авснаар долоо хоногт халдварыг илрүүлж, голомтыг хумина. Бид энэ ажлыг зохион байгуулъя гэдэг хүсэлтээ Ерөнхий сайдад тавиад байгаа. Тодруулбал, 440 гаруй мянган айл өрхийн нэг гишүүнээс коронавирусний халдварын шинжилгээг авна гэсэн үг юм.

Эх сурвалжийн хэлж буйгаар, энэ долоо хоногийн сүүлчээр УОК, Засгийн газар хуралдаж, хөл хориог сунгахаар, одоогийн хатуу хөл хориог улам чангатгах тухай яриад эхэлсэн гэлээ.

У.Тэргэл