УИХ-ын чуулганаар Шүүхийн тухай хуулийн хэлэлцүүлгийг хийж байна. Ажлын хэсгийнхэн гишүүдийн асуултад хариулсныг хүргэе.

С.Ганбаатар: ҮАБЗ-өөр шийдүүлдэг зүйлийг яагаад халж байгаа юм бэ. Захиалгаар орж ирж байна. ҮАБЗ бол Үндсэн хуулийн байгууллага. Шүүгч нарыг шүүдэг, хариуцлагатай байлгадаг Ерөнхийлөгч, Ерөнхий сайд, УИХ-ын дарга гурав хар толгойгоороо хариуцлага үүрдэг. Одоо эзэн биегүйдүүлж байна. Одоо 76 гишүүн 450 шүүгчийг дотроосоо гаргана.

Б.Энхбаяр: Хэлбэр хийц үнэхээр шударга ёсыг тогтоох гэж байгаа юм шиг. Гэхдээ яг ярьж байгаа нь хонгилоо авч үлдэх тухай. Энэ чинь Үндсэн хууль зөрчиж байна. Үндсэн хуулийн эсрэг санал яриад байх юм. Хонгилын эрх мэдлийг яагаад авч үлдэх гээд ингэж яриади байгааг ойлгохгүй байна. МАХН бол Ерөнхийлөгчид нэр дэвшүүлэх Үндсэн хуулийн эрхтэй нам.

Хэн нэр дэвших гээд, юу харагдаад, тэнд нь Ерөнхийлөгчийн эрх мэдэл байхгүй болохоор ингээд байдаг юм болов уу гэж бодож байна.

Үндсэн хуулиа хэрэгжүүлье гэхээр битгий хэрэгжүүл гээд байх юм. Үндсэн хууль чинь ард түмэн.

С.Ганбаатар: Б.Энхбаяр гишүүн миний асуултад хариулсангүй. Шүүхийн реформ хийснээрээ цагаан захтнуудад хариуцлага тооцдог систем улам сахилгатай болох уу гэж асуусан. Өдөөс жижиг зүйл ярих юм. Намайг Ерөнхийлөгч болно гэж бодоод ингэж байна гэж бодож байх шиг байна. Болох болохгүйг нь чи шийддэг юм биш. Монголын ард түмэн шийддэг юм.

А.Сүх