УИХ-ын өнөөдрийн чуулганаар Шүүхийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн зарчмын зөрүүтэй саналуудыг хэлэлцэж байна. Энэ үеэр гишүүдийн хэлснийг онцлон хүргэе.
Х.Нямбаатар: Бид тал талаасаа л өөр өөрсдийнхөө үзэл бодлыг уралдуулж байгаа. Би хонгил угсрах гээд байгаа юм шиг зүйл ярьж болохгүй Б.Энхбаяр аа. УДШ-ийн Ерөнхий шүүгч гэж заасан Үндсэн хуульд заасан албан тушаалтанд өөрт нь 27 дугаар зүйлээр тодорхой эрх өгье гэж ярьсан. Танхимын тэргүүнээ томилж чадахгүй, өөрөө захирагдаж явдаг Ерөнхий шүүгч гэж ямар логик байх юм бэ.
УДШ танхимын зохион байгуулалтаар үйл ажиллагаагаа явуулж эхлээд нэлээд зүгширсэн байдалтай байгаа. Танхимын тэргүүнээ УДШ-ийн Ерөнхий шүүгч нь томилдог байх учиртай.
Д.Ганбат: Тийм байх ёстой гээд л сургааль айлдаад байх юм. Хэн нь хэндээ заагаад байгаа юм. Давхар дээлтэй байж болно. Үндсэн хуулийн цэцийн дүгнэлт гарсан шүү дээ. Авлига, албан тушаалын хэргийг мөрдөхгүйгээр тийм байдалд оруулчихаад таны хууль зүйн мэдлэг ямар байна вэ. Байнгын хорооны хурлаар гишүүдийг янз бүрээр хэлээд байдаг.
Шүүхээс тогтоогоогүй л бол хэнийг ч гэм буруутай гэж хэлэх ёсгүй. Гэтэл Хууль зүйн сайд нь ямар ч анхан шатны мэдлэггүй. Байнгын хорооны хуралдаанаар гишүүдийг яллаад байдаг. Шүүхийн өмнөөс шүүх болчихсон. Ямар хууль зүйн мэдлэгтэй болчихоод ингэж яриад байгаа юм.
А.Сүх
