Нэгдүгээр сарын 11-ний өдрөөс зарим аж ахуйн нэгжийн үйл ажиллагааг хэвийн явуулах шийдвэр гарсан. Харин 18 салбарын үйл ажиллагааг хориглоод буй. Тэгвэл ТҮЦ болон номын худалдааг яагаад нээгээгүй талаарх сэтгүүлчийн асуултад Нийслэлийн мэргэжлийн хяналтын газрын дарга Л.Эрдэнэчулуун хариулт өглөө. Тэрбээр "Ахуйн болон соёлын барааг нээх шийдвэр гараагүй номын худалдаа нь соёлын бараа учир нээгээгүй.

Харин ТҮЦ нь нийслэлд 1000 гаруй байдаг ба тус газруудад хүнсний аюулгүй байдлын тухай хуулийг ноцтой зөрчсөн, стандартын худалдаа явах боломжгүй, хог хаягдал, халуун хүйтэн ус, 00-ын асуудал шийдэгдээгүй. Тиймээс эрүүл ахуйн халдвар хамгааллын дэглэм сахиулах боломжгүй учраас нээх боломжгүй" гэлээ. 

Нийслэлийн Засаг даргын орлогч Ж.Сандагсүрэн "ТҮЦ болон гар дээрээс бараа бүтээгдэхүүний худалдаа эрхэлдэг, үсчин, гоо сайхны үйлчилгээ эрхлэгч, барилгын ажил хийдэг зэрэг хүмүүсийн судалгааг хийж байгаа. Тусламж дэмжлэгийнхээ үйл ажиллагааг тэдэн рүү чиглүүлж, дэмжих чиглэлээр ажиллаж байна" гэлээ.

Б.Бат