УИХ-ын гишүүн асан Ц.Цогзолмаа УИХ-ын даргын Нийгмийн бодлогын зөвлөхөөр ажиллахаар болжээ. Тэрбээр 2020 оны УИХ-ын сонгуулиар нэр дэвшсэн ч олонхын санал авч чадаагүй "унасан" юм. БШУ-ын сайдаар ажиллаж байсан түүнийг намдаа бас ч үгүй байр сууриа хадгалж байгаа гэх яриа чих дэлсэж, Үндэсний статистикийн хороон даргаар очно гэх мэдээлэл гараад байсан. Гэсэн ч дээрх мэдээлэл нь тэгэсхийгээд намжсан бол Ц.Цогзолмаа ийнхүү дээрх албан тушаалд томилогдсон байна. 

УИХ-ын дарга Г.Занданшатарт зөвлөх Ц.Цогцолмаагийн товч намтарыг танилцуулж байна. 

ТӨГССӨН СУРГУУЛЬ, МЭРГЭЖИЛ: 1992 онд ЗХУ-ын Эрхүү хотын Улсын багшийн их сургууль, багш, түүхч, 2004 онд Удирдлагын академи, төрийн удирдлага, 2009 онд Тагнуулын академи, эрх зүйч

АЖИЛЛАСАН БАЙДАЛ: 1992-1993 онд МУИС-ийн Ховд дахь салбарт багш, 1993-1994 онд Ховд аймгийн ЗДТГ-т мэргэжилтэн, 1994-1995 онд Ховд аймгийн ИТХ-д мэргэжилтэн, 1995-1996 онд Ховд аймгийн Хүүхдийн төвд мэргэжилтэн, 1996-1997 онд Ховд аймгийн Эмэгтэйчүүдийн зөвлөлийн дарга, 1994-1998 онд Монголын Скаутын холбооны Хөтөлбөрийн дарга, 1998-1999 онд Олон улсын хүүхдийн Найрамдал төвд бүлгийн ахлах удирдагч, 1999-2000 онд Нийслэлийн Ардчилсан социалист залуучуудын холбооны дарга, 2000-2004 онд Нийслэлийн Хүүхэд залуучуудын хөгжлийн газрын дарга, 2004-2006 онд Сүхбаатар дүүргийн Засаг дарга, 2006-2008 онд Жендерийн тэгш байдлын үндэсний хорооны ажлын албаны дарга, 2008-2012 онд Нийслэлийн Засаг даргын Нийгмийн хөгжлийн асуудал эрхэлсэн орлогч дарга, 2013 оноос Нийгмийн ардчилал Монголын эмэгтэйчүүдийн холбооны ерөнхийлөгч, 2016 оноос Монгол Улсын Их Хурлын гишүүн, 2017-2019 онд Монгол Улсын Засгийн газрын гишүүн, Боловсрол, соёл, шинжлэх ухаан, спортын сайд

ШАГНАЛ: 2004 онд Хөдөлмөрийн хүндэт медаль, 2010 онд Алтангадас одон, 2011 онд Ардын хувьсгалын 90 жилийн ойн медаль

ГАДААД ХЭЛ: Англи, Орос

Б.Баатар