С.Одонтуяа гишүүн иргэдээ татах авахыг шаардаж, суулт зарлав

УИХ-ын гишүүн С.Одонтуяа өчигдөр мэдээлэл хийж, "Бид эх орондоо ирмээр байна” суултыг Төрийн ордны хоёр давхарт эхлүүлж байгаагаа мэдэгдсэн. Тэрбээр "Энэ суулт нь коронавирусний халдвартай холбоотойгоор маш олон монголчууд эх орондоо ирэхийг хүсч байгаа боловч ирж чадахгүй байна. Монгол Улсад хүний эрх зөрчигдөхийг зүгээр хараад сууж болохгүй. Тэдний эрх зөрчигдсөөр байна" хэмээсэн. Мөн тэрбээр Үндэсний аюулгүй байдлын зөвлөлд гурван заалт бүхий шаардлагыг хүргүүлсэн байдаг. Шаардлагад "Эх орондоо буцах хүсэлтэй, шинжилгээний хариу сөрөг гарсан маш олон иргэд БНСУ, АНУ, Туркэд байгаа иргэдийг яаралтай татан авах, буцах өдрөө хүлээн хоолгүй, амьдрах байргүй байгаа хүмүүсийн нөхцөлийг анхаарах, төлөвлөгөөт нислэгийн хуваарийг урьдчилан гаргаж, мэдээлэл өгөх ёстой" гэж заасан. Тиймээс энэ шаардлагыг хүлээж авахыг хүсч, суулт зарлахаар болсон гэв. 

Хоёр удаагийн нислэгээр БНСУ-аас иргэдээ татан авахаар болсныг зарлалаа

Тэгвэл дээрх мэдээллийн дараа Засгийн газрын ХМОНХХ-ийн дарга Ц.Ганзориг БНСУ-аас хоёр удаагийн нислэгээр иргэдээ татан авах хуваарийг баталсан болохыг мэдээлсэн юм. Тэрбээр  "Шадар сайдын чиглэлийн дагуу БНСУ-аас иргэдээ татна. Энэ долоо хоногийн баасан гарагт болон энэ сарын сүүлээр буюу 31 нд БНСУ-аас 2 удаагийн нислэгээр иргэдээ татан авах хуваарийг баталсан.

УОК-оос 2-р сараас эхлэн тогтмол чартеруудыг гадаад улсуудаас ирэх иргэдээ авах зорилгоор хуваарийг батлахаар тусгаарлах байруудыг бэлдсэн. Нислэгүүдийн зөвшөөрлүүдийг тухайн улсуудаас хүлээж байгаа. Үүний дараагаар аль аль улсууд руу нисэх тодорхой мэдээллийг олон нийтэд зарлана" гэлээ.

С.Одонтуяа гишүүн иргэдээ татан авах гэж байгааг мэдсэн үү эсвэл үнэхээр гадаадад буй иргэддээ сэтгэл гаргасан уу ямартай ч эл асуудлыг овжин харж, уран бэрийн нүүдэл хийлээ. 

Б.Баатар