УИХ-ын чуулганы өнөөдрийн хуралдаанаар Ерөнхийлөгчийн сонгуулийн санал авах өдрийг тогтоох тухай тогтоолын төслийг хэлэлцэн, гишүүдийн 61,5 хувийн саналаар баталлаа.

Төрийн байгуулалтын байнгын хорооны хуралдаанаар санал авах өдрийг 2021 оны зургаадугаар сарын 9-ны өдөр гэж тогтсоныг хэвээр баталлаа гэсэн үг юм.

Харин энэ үеэр УИХ-ын гишүүн Ж.Сүхбаатар “Өвлийн дүн хүйтэнд талбайд олон хүн жагсч байна. Ийм нөхцөлд энэ асуудлыг хэлэлцэх нь зохимжгүй юм.   Тэгээд ч УИХ дахь эмэгтэйчүүдийн бүлэг болон амаржсан эхийг эмнэлэг рүү шилжүүлэхдээ гаргасан алдааг засах талд эмэгтэй гишүүд сулхан дуугарч байна. Та нарын дуу хоолой одоо л хэрэгтэй байна” хэмээн шүүмжлэв.

У.Тэргэл