УИХ-ын чуулганы нэгдсэн хуралдаан 17.00 цагт 52,7 хувийн ирцтэйгээр эхэллээ. Чуулганаар Монгол Улсын Ерөнхий сайдыг огцруулах тухай асуудлыг хэлэлцэж, гишүүдийн асуулт, хариултыг сонсч  байна.

Энэ үеэр УИХ-ын гишүүн М.Оюунчимэг  “Ерөнхий сайдыг огцроосой гэж бид жагсаагүй гэж өчигдөр талбайд эсэргүүцлээ илэрхийлсэн залуус хэлж байна.

Өнөөдөр Улаанбаатарын утаа ямар болов, шахмал түлш үе үеийн Засгийн газрын толгойны өвчин болж, шийдэхгүй явж ирсэн. Ард түмний нуруун дээр үүрч байсан олон асуудлыг  У.Хүрэлсүхийн Засгийн газар шийдсэн.

Эцэг хүний хувьд, Ерөнхий сайдын хувьд ийм шийдвэр гаргаж байгаад  харамсч байна. Гэвч шударга ийм жишиг тогтоосой гэж хүсч байна. Бүх зүйлийг амбийцаар бүү шийддэг байгаасай. Төрийн өндөрлөгүүдэд уриалмаар байна. Өнөөдөр энэ танхимаас шударга ёс үйлчлэх болтугай гэж хэлмээр байна. Шударга ёсны тэмцэл цаашид үргэлжлээсэй. Та өөрийн хүсэлтээр огцорч байна. Бид хүлээж авч байна. Харин дараагийн Засгийн газар таны бодлогыг үргэлжлүүлэх ёстой” гэв. 

 У.Тэргэл