Монгол Улсын Ерөнхий сайдын өөрийн хүсэлтээр огцрох саналыг УИХ-ын чуулганаар хэлэлцэх үед гишүүд бүгд л Төв талбайд болсон жагсаал зөв зүйтэй юм. Залуусын шинэ үе гарч ирж, хонгилын  үзүүрт гэрэл харагдаж байна гэцгээж байсан.

Харин энэ бүхний зэрэгцээ анхаарал татсан, гишүүдийг бухимдуулсан нь Монгол Улсын Ерөнхийлөгч жагсаалыг үймээн самуун болгохын тулд санхүүжүүлж, өөрийн хүмүүсийг оруулж,  үймээн дэгдээх зорилго агуулсан гэх шүүмжлэл, эсэргүүцэл байлаа.

Энэ нь ч үнэн гэдгийг Хууль зүйн сайд асан Х.Нямбаатар баталсан. Харин энэхүү жагсаалыг өдөөн турхирсан хүн нь Ерөнхийлөгч Х.Баттулга бол санхүүжүүлэгч нь УИХ-ын гишүүн А.Адъяасүрэн гэх юм. Тэрбээр бэл бэнчинтэй нэгэн гэдгийг бүгд мэднэ. Тиймдээ ч энэхүү хардлагад өртөв үү, эсвэл намдаа тэр дундаа Төрийн тэргүүнд тал засч, ирээдүйн замаа засав уу. Ямартай ч, овоо босгоогүй бол шаазгай юунд суух вэ гэдэг биз дээ.

У.Тэргэл