Монгол Улсын Ерөнхийлөгч Х.Баттулга Ерөнхий сайдыг томилох тогтоолын төслөө  УИХ-д өргөн мэдүүлж, өөрийн биеэр байнгын хороо, чуулганы хуралдаанд танилцуулах сүүлчийн өдөр өнөөдөр юм. Хуулийн дагуу олгосон тав хоног өнөөдөр дуусч байгаа ч хөшигний цаадах улс төрийн тохиролцоо үргэлжилсээр байгаа бололтой. Учир нь, Ерөнхийлөгч өөрийн гэсэн сайд нараа авч үлдэх гэж эрх баригч намынхныг ялангуяа шинэ Ерөнхий сайдыг шахаж байгаа гэх мэдээлэл бий. Хүүхдийн фондод  хандив цуглуулах нүсэр ажлыг нь гардан хийсэн Соёлын сайд С.Чулуун, Батлан хамгаалахын сайд Г.Сайханбаяр нарыг авч үлдэхээр Ерөнхийлөгч зүтгүүлж байгаа бол МАН-ын хувьд өмнөх сайд нарынхаа 50 хувийг үлдээхээр тохирсон гэсэн мэдээлэл байна.

Эрүүл мэндийг сайдыг үлдээх шаардлага, хүсэлтийг салбар яамныхан нь тавьж байгаа ч Засгийн газрыг бүрэлдэхүүнээр нь огцруулсан энэхүү үйл явдал эрүүл мэндийн байгууллагаас үүдэлтэй, мөн өөрөө огцрох өргөдлөө өгсөн учир хүлээн авах нь зүйтэй гэж шинэ Ерөнхий сайд үзсэн гэнэ. Энэ мэтчилэн улс төрийн тохироо, наймаа үргэлжилсээр, харин хуулийн хоногтоо эцэслэж чадна гэж л найдъя.

У.Тэргэл