Дархан-Уул аймгийн залуус УИХ-ын гишүүн Г.Дамдиннямыг эгүүлэн татах хөдөлгөөнийг өрнүүлээд эхэлчихжээ. Шалтгаан нь Г.Дамдинням нарын гурван гишүүн Хөгжлийн банкнаас 33 тэрбумын зээл авсан талаарх дуулиан хэсэгтээ явсан. Харин Дархан-Уул аймгаас сонгогдсон гишүүний хувьд авсан зээлээ хувийн бизнестээ хөрөнгө оруулсан хэмээн буруутгаж байгаа аж. Хөгжлийн банкнаас томоохон төсөл, хөтөлбөр, бүтээн байгуулалтад зээл олгодог. Гэтэл авсан зээлээ зориулалтын бус зүйлд тэр дундаа уул уурхайн салбарт хөрөнгө оруулсан нь ашиг сонирхлын зөрчил үүсгэж байна хэмээн хөдөлгөөнийг санаачлагч залуус үзжээ.

Уг хөдөлгөөнийг санаачлагч Б.Нямбаярын хэлж буйгаар, өнөөдрийн байдлаар гишүүнээс нь эгүүлэн татах хөдөлгөөнд 1000 гаруй залуус нэгдэн, дэмжиж гарын үсгээ зурсан ба уг ажлыг цар тахалтай холбоотойгоор цахимаар явуулж байгаа аж.

Тэрбээр “Удахгүй бид Г.Дамдинням гишүүнийг эгүүлэн татах асуудлыг хуулийн хүрээнд гаргаж тавина, судалж байгаа өмгөөлөгчид бий гэв.

Мөн өнгөрсөн хугацаанд гишүүнийг ямар ч ажлыг хийгээгүй. Тангаргаа өргөсөн эхний өдрөөсөө л Дарханы замыг богино хугацаанд ашиглалтад оруулах асуудлыг тавьж, гүйцэлдүүлнэ гэж байсан. Гэтэл өнөөдрийг хүртэл байхгүй. Зөвхөн өөрийгөө рекламдах, бизнесээ санхүүжүүлэхэд л анхаарч ирсэн хэмээн дархан-уулчууд гомдоллон, эсэргүүцэж эхэлжээ.

У.Тэргэл