АТГ-ын Олон нийтийн зөвлөлөөс Засгийн газар огцорч, УИХ барьцаалагдсан талаар АТГ-ын гадаа мэдээлэл хийлээ. 

АТГ-ын Олон нийтийн зөвлөлийн дарга Г.Баасан энэ талаар "Оюутолгой"-н гэрээний асуудал авилгад өртсөн байна гэдэг нь олон нийтэд тодорхой болсон. Гэтэл УИХ өнөөдөр "Оюутолгой"-н гэрээ яагаад авилгажсан гэрээ байгуулсан, Лондонгийн шүүхэд хэдэн төгрөгний маргаан үүсээд байгаа, шүүхийн тэмдэгтийн хураамжийг хаанаас гаргаж байгаа, гурван тэрбум долларын авилгын хэрэгт нэр холбогдсон гишүүний асуудал зэрэг авилгатай холбоотой зүйлд огт дуурахгүй, ярихгүй байна.

"Оюутолгой"-н гэрээний асуудлаас болж, өнгөрсөн долоо хоногт Засгийн газар огцорч, бууж өгснийг монголчууд ойлгосон. 

Төрийн ордны зүүн талд шүүгч нарыг дуудаж авч ирээд улстөрчидөд ял өгдөг гэдгийг мэдсээр байж нуун дарагдуулж, илчлээгүй ХЗДХ-ийн сайд Х.Нямбаатарт хариуцлага тооцох ёстой. 

Мөн шүүх шударгаар ажиллахгүй байна. Авилга албан тушаалын хэрэгт холбогдсон улстөрчид маш бага ял авч, тэд өөрсдийгөө хэлмэгдэж байна гэж байгаа. Тэгвэл энэ талаар Шүүхийн ерөнхий зөвлөл дуугарах ёстой. 

Ер нь УИХ "Оюутолгой"-н гэрээ болон оффшорын авилгалчдад барьцаалдагдсан учир Засгийн газар зохион байгуулалттай огцорч, УИХ барьцаалагдсан байна гэдгийг албан ёсоор зарлаж байна" гэлээ.

Б.Баатар