ХЗДХ-ийн сайд Х.Нямбаатар суулт зарлаж буй гишүүн С.Ганбаатартай уулзлаа. Энэ үеэр УИХ-ын гишүүн С.Ганбаатарыг ажлын хэсэгт багтаах, хамтран ажиллах, эрүүл мэндээ бодож суултаа зогсоохыг уриалсан ч Ерөнхий сайд олон улсын шүүхэд нэхэмжлэл гаргах хүртэл суулт зарлана гэлээ.

Тэрбээр “Гаднын олон улсын шүүх дээр Оюутолгойн гэрээг авлигаар байгуулсан гэдэг нь нотолчихсон энэ үед Ерөнхий сайд нэхэмжлэл гаргах ёстой. Тэр хүртэл би өлсгөлөн зарлана.

Хоёрдугаарт, АН, МАН-ын 24 улстөрч оролцсон авлигын хөрөнгийг Монголд авчрах нэхэмжлэл гаргаач. Гуравдугаарт, намайг ажлын хэсэгт орлоо гэж тооцож байгаа бол олон улсын шүүх дээр гаргах нэхэмжлэл дээр өөрийнхөө саналыг тусгах боломжтой гэж үзэж байна” гэдгийн онцоллоо.

Б.Лхам