Засгийн газрыг бүрэн бүрэлдэхүүнээр нь огцруулах УИХ-ын Пүрэв (2021.01.21) гаригийн чуулганы хуралдааны үеэр Хууль зүй, дотоод хэргийн сайд Х.Нямбаатар ноцтой мэдэгдэл хийсэн нь олны анхаарлыг татаад байгаа.

Тодотговол, тэрбээр “Төрийн ордны зүүн жигүүрийн 3 давхарт шүүгчид ирж, хэнд хэдэн жилийн ял оноох вэ гэж асуудаг явдлыг өөрчлөхийн тулд Шүүхийн тухай хууль, Авлигын тухай хуулийг шинэчлэн батлуулсан” гэсэн юм.

Тэгвэл АТГ-ын Олон нийтийн зөвлөлөөс өнөөдөр ХЗДХ-ийн сайд Х.Нямбаатарт хариуцлага тооцох ёстой гэдгийг онцоллоо. Энэ талаар Г.Баасан "Төрийн ордны зүүн жигүүрт шүүгч нарыг дуудаж авч ирээд хэнд хэдэн жилийн ял өгдөг гэдгийг хэлсэн. Тэрбээр үнэхээр үүнийг мэдсээр байж нуун дарагдуулж, илчлээгүй бол гэмт хэргийг нуун дарагдуулсан гэх үндэслэлээр ХЗДХ-ийн сайд Х.Нямбаатарт хариуцлага тооцох ёстой" гэсэн юм.

Б.Баатар