МАН-ын эмэгтэй гишүүд хүйсийн тэгш оролцоог хангасан Засгийн газар байгуулахыг намын даргаасаа хүсжээ. Тодруулбал, өнгөрөгч долоо хоногийн пүрэв гарагийн чуулганы нэгдсэн хуралдаанаар У.Хүрэлсүхийн Засгийн газар огцорч, шинэ Ерөнхий сайдыг нэр дэвшүүлж Ерөнхийлөгчид мэдүүлээд буй. 

Ерөнхийлөгч Засгийн газрын тэргүүнд нэр дэвшсэн горилогчийн мэдүүлэгтэй Үндсэн хуульд зааснаар тав хоногийн дотор танилцаж, УИХ-д нэрийг нь оруулах ёстой.

Уг хуулийн хугацаа ирэх пүрэв гарагт дуусаж байна. Монгол Улсын 32 дахь ерөнхий сайдын нэр тодорсон ч Засгийн газрын гишүүдийг хэрхэн бүрдүүлэх асуудал олны анхаарлыг татаж байна. 

У.Хүрэлсүхийн Засгийн газар 17 сайдтай танхимаа бүрдүүлсэн. Тэгвэл МАН-ын эмэгтэй гишүүд Засгийн газрыг бүрдүүлэхдээ эмэгтэйчүүдийн оролцоог мөн адил ижил түвшинд хангах ёстой гэж үзэн намын дарга У.Хүрэлсүхэд ийн ханджээ. 

Б.Лхам