УИХ-ын ээлжит бус хуралдаанаар Коронавируст цар тахлаас урьдчилан сэргийлэх, нийгэм, эдийн засагт үзүүлэх сөрөг нөлөөллийг бууруулах  тухай хуулийн төсөлд нэмэлт өөрчлөлт оруулах талаар хэлэлцэж байна.

Энэ үеэр УИХ-ын гишүүн Т.Доржханд “Цар тахлын энэ үед эрүүл мэнд, боловсрол чухал. Манайхан  буруу ойлголцоод байна. Б.Пүрэвдорж гишүүнээ, би хуулийг чинь дэмжиж, ярьж байна. Гарц, гаргалгааг гаргаж өгч байна. Танхимаар хичээллээгүй тохиолдолд үдийн хоолноос 40 тэрбум төгрөгийг хэмнэнэ. Энэ эх үүсвэрийг төсөвт өөрчлөлт оруулахгүйгээр шилжүүлэх эрх Засгийн газарт байгаа. Хөнгөлөлттэй зээлийн асуудлыг шийдэх хэрэгтэй.

Төсөвт хүндрэл учруулахгүйгээр ажлын байрыг яаж хадгалах юм бэ. Банкууд мөнгөө гаргахгүй байна. АН, ХҮН, МАН  байна уу, үл хамаараад энэ асуудлыг ярих боломжийг гаргаж өгөөч. УИХ-ын чуулган хаалаа л гээд байх юм. Мөнгө хаана байна. Иргэд мөнгөгүй байна, Засгийн газар мөнгөгүй байна.  Банкууд л мөнгөтэй байна.

Тэд банкинд байгаа 7,6 их наяд төгрөгөө тэвэрчихээд гаргахгүй байна.

Засгийн газар одоо л ид ажиллаж байх ёстой.  Энэ үед Засгийн газар бондоо гаргах замаар урт хугацааны хөнгөлөлттэй зээлээр санхүүжүүлэх боломжтой” гэв.

У.Тэргэл