УИХ-ын ээлжит бус чуулганы үдээс хойшхи хуралдаанаар Монгол Улсын Ерөнхий сайдад нэр дэвшигчийг томилох эсэх тогтоолын төслийг талаар хэлэлцэж байна.
Энэ үеэр нэр дэвшигч Л.Оюун-Эрдэнэ сайд шударга ёсны тэмцлийг үргэлжлүүлэхээ илэрхийллээ. Монгол Улс өнөөдөр авлигын индексээр 106 дугаарт жагсаж байна. Цаашид төрийн дээр байдаг албан бус бүлэглэл дахин үүсгэж, улс төрийн зорилгоор хууль хяналтын байгууллагыг ашигладаггүй байх зүйл рүү томоохон алхмыг хийнэ.
Компанийн захиалгаар томилогдсон шүүгч, прокурор, хууль хяналтын албатууд бий. Эдгээрийг цэгцлэх ажил хийнэ.
Энэ нь амаргүй байх болно. Мөн шүгэл үлээгчийг хамгаалах, төрийн албаны ёсзүйн хуулийг өргөн барина. Төрийн байгууллагын ёс зүйн дүрмийг дахин өөрчилнө. Цалингаасаа өндөр бэлэг хүлээн авдаг, төрийн өмчит үйлдвэрийн газрууд энд тэнд очиж баярхдаг олон асуудлыг таслан өөрчлөхийн төлөө хичээх болно. Мэдээж авлигатай тэмцэх ажил амаргүй. Тиймээс авлигыг үүсгэж байгаа буглааг өөрчлөхийн төлөө хичээх болно. амаргүй сорилттой тулгарна гэдгийг мэдэж байгаа. Ингэж байж иргэний нийгмийн хяналттай, төр нь төр шиг, бизнес нь бизнес шиг болно” гэлээ.
Б.Лхам
