УИХ-ын чуулган өнөөдөр ээлжит бусаар хуралдаж Монгол Улсын 32 дахь Ерөнхий сайдыг томилох эсэх асуудлыг хэлэлцэж гишүүдийн 87.9 хувийн саналаар ЗГХЭГ-ын дарга, УИХ-ыг гишүүн Л.Оюун-Эрдэнийг томиллоо.

Энэ үеэр хуралдаанд оролцсон гишүүд цар тахлын болон эдийн засаг саарсан амаргүй нөхцөлд засаг тэргүүнээр сонгогдож байгааг онцлоод Засгийн газрын залгамж халааг үргэлжлүүлж ажиллахыг зөвлөв. Мөн АН-ын бүлгийн гишүүдээс өмнөх Засгийг газрын үеийн давхар дээлтэй сайд нарыг сонгохын оронд илүү туршлагатай гишүүнийг давхар дээлтэй сайдаар томилохыг зөвлөсөн юм.

Түүний хувьд гишүүдийн зөвлөснийг анхаарч, хуулийн дагуу хариуцлагатай ажиллахаа илэрхийлж төмөр зам болон нефтийн үйлдвэрийн ажлыг үргэлжлүүлж, яаралтай ашиглалтад оруулахыг нэн тэргүүний зорилго болгон ажиллахаа амласан юм.

Б.Лхам