УИХ-ын өнөөдрийн чуулганаар Авлигын эсрэг хуульд хэсэгчлэн тавьсан Ерөнхийлөгчийн хоригийг хэлэлцэж байна.

Энэ үеэр УИХ-ын гишүүн Н.Алтанхуяг “Анх энэ хуулийн төсөл АТГ-ын дэд дарга нас барсан учраас оронд нь хүн томилъё л гэж орж ирсэн. Томилох эрх нь Ерөнхийлөгчид байсан. Сүүлдээ Ерөнхий сайд санал болгох нь зөв гэж оруулж ирсэн. Би үүнийг дэмжсэн хүн. Гэхдээ одоо эргэлзэж байна.

Энэ сарын 19-ний өдөр юу болов. Авлигачидтай тэмцэж байсан оффшорын мөнгийг саатуулах үйл ажиллагаа болоод хувирчихлаа.

Нью-Йоркийн шүүх дээр байсан нэхэмжлэлийг хэн татаж авсан юм. Одоо л ойлгож эхэлж байна. Энэ сарын 19-нд гаднын шүүх нэхэмжлэлийг хүлээн авсан. Гэтэл маргааш нь Засгийн газар огцорсон. Ч.Хүрэлбаатар аа чи үүнийг зогсоосон. Хэрэг хуучирдаггүй шүү. Хэрэв та нар олонх гэдгээрээ түрий бариад явах гэж байгаа бол Монголчууд босно шүү. АТГ-ын даргыг өөрсдөө авчихаад яргалах гэж байгаа бол алалцана шүү” гэдгийг цохон тэмдэглэлээ.

А.Сүх