УИХ өчигдөр ээлжит бусаар хуралдаж Монгол Улсын 32 дахь Ерөнхий сайдаар Л.Оюун-Эрдэнийг томилсон. Цаг үеийн нөхцөл байдалтай холбогдуулан энэ долоо хоногтоо багтан шинэ сайдыг танхимаа бүрдүүлж, сайд нарынхаа нэрийг оруулж ирэхийг УИХ-ын дарга Г.Занданшатар зөвлөсөн билээ.

Ерөнхий сайд Л.Оюун-Эрдэнийн хувьд улс орны эдийн засаг сэргэхээр шинээр хоёр яам байгуулахаа мэдэгдсэн. Тэр хүртэл Засгийн газар хуучин бүтцээр ажиллана.

Ерөнхий сайд томилогдсонтой холбогдуулан салбаруудыг удирдах дараагийн сайд нар хэн бэ гэдэг таамаг аль хэдийн гараад эхэлсэн. Тэгвэл эх сурвалжаас өгсөн мэдээллээр өмнөх сайд нараас ХХААХҮ-ийн сайд З.Мэндсайхан, ХНХ-ын сайд А.Ариунзаяа, Эрүүл мэндийн сайд Т.Мөнхсайхан, Эрчим хүчний сайд Н.Тавинбэх, Зам тээвэр, хөгжлийн сайд Л.Халтар, Барилга хот байгуулалтын сайд Б.Мөнхбаатар нарыг улираах тухай яригдсан байна.

Мөн парламентаас давхар дээл “өмсөх” гишүүнээр Х.Булгантуяа, М.Оюунчимэг, Ц.Мөнх-Оргил нарын нэрс яригдаж байна.

Б.Лхам