УИХ-ын гишүүн Т.Аюурсайхан “Улс орон, ард түмэн хохирсон байхад нэгэн үе төрийн тэргүүнээр ажиллаж байсан хүн Оюутолгойгоос ашиг, орлого олоод явж байж таарахгүй. Оюутолгойн ТУЗ-өөс Н.Багабанди гуайг нэн даруй гаргах шаардлагатай” хэмээсэн.
Харин түүнийг ийн өгүүлсэн нь "Ишиг эврээ ургахаар эхийгээ мөргөдөг" гэгчээр түүнийг улс төрд оруулж ирсэн хүнээ "мөргөлөө" гэх хүн олон байгаа. Учир нь Т.Аюурсайхан гишүүн Ерөнхийлөгч асан Н.Багабандийн туслах, зөвлөхөөр ажиллаж байсан учир ийнхүү өгүүлэх болсон гэлцэж байгаа юм.
Тэгвэл УИХ-ын гишүүн Т.Аюурсайхан энэ талаар тайлбар хийжээ. Тэрбээр "Н.Багабанди гуай нэгдүгээрт миний эзэн биш. Хоёрдугаарт намайг улс төрд дагуулж оруулж ирээгүй. Улс төрд би бор зүрхээрээ, бартаа саадтай замаар явж ирсэн. Туслахаар нь ажиллаж байхдаа би хийсэн ажлынхаа төлөө Монгол төрөөс цалингаа авсан. Төрийн албан хаагчийн хувьд өсч, төлөвшсөн. Үүнийхээ төлөө би хүн ёсоор талархалтай байдаг. Өөр юу ч байхгүй" гэжээ.
Б.Баатар
Сэтгэгдэл (17)