УИХ-ын үдээс хойшхи чуулганаар УИХ-ын тухай хуульд өөрчлөлт оруулах тухай хуулийн төслийн эцсийн хэлэлцүүлгийг хийж баталлаа. Энэ үеэр гишүүдийн хэлсэн онцлох үгийг хүргэж байна.

С.Бямбацогт: УИХ-ын дарга, бүлгийн дарга нар анхаарч хэлэлцсэн байх гэж ойлгож байгаа. 2012-2016 онд АН олонх, МАН цөөнх байсан. Тэр үед бид бүлэггүй, байнгын хороонд орж чаддаггүй бэрхшээлтэй цаг үе байсан. Ажлын албаа өөрсдөө цалинжуулдаг байсан. Бид олонх болоод тэгсэнгүй. Цаашид хамтарч ажиллая. Бүх зүйлийг бүү шүүмжлээрэй. Өнгөрсөн түүхийг сануулах нь зөв байх гэж бодож байна гэлээ.

Г.Занданшатар: АН-ын бүлгийн дарга, эрхэм гишүүд ээ. 2012 онд хүч хэрэглэж, МАН-д бүлэг байгуулж өгөөгүй. Ямар ч орон тоогүй ажиллаж байсан. Жил гаруйн хугацаанд бүлэггүй ажиллаж, гишүүн нэг бүрийг гуйж байж бүлэг байгуулж байсан шүү.

Б.Лхам