УИХ-ын үдээс хойшхи чуулганаар Засгийн газрын гишүүдийг танилцуулж байна. Энэ үеэр Шадар сайдад нэр дэвшээд буй УИХ-ын гишүүн С.Амарсайхан дараах зүйлийг хэллээ.

Тэрбээр “Цар тахлыг бууруулах, тохиолдолгүй байх орчныг бүрдүүлэхийн тулд бүх хүчээ дайчилж ажиллана. Байдал хүнд байна. Цаашид ч улам хүндрэхийг үгүйсгэхгүй. Энэ нөхцөл байдал нь хүн бүрийн үүрэг, оролцоо, сахилга бат чухал болсон.

Үйлдвэр үйлчилгээний байгууллагуудаа аль болох хаахгүй байх, йүл ажиллагааг нь хэвийн явуулах, ариутгал халдваргүйтгэл, хяналтыг төр, хувийн гэлтгүй үйл ажиллагаа явуулж л байгаа бол бүх шатны хяналт явагдана. Энэ нь бүгдийг хааж хясна гэсэн үг биш.

Иргэдээ мэдээллээр бүрэн хангаж, айдас хүйдэсгүйгээр ажил амьдралаа явуулах боломжийг бүрдүүлнэ.

Хоёрлугаарт, технологийн дэвшлийг түлхүү ашиглана. Гэхдээ шийдвэр бүр зөв байхгүй байхыг үгүйсгэхгүй. Аль болох эрсдэл гаргахгүйн тулд хүн бүр сахилга баттай байх хэрэгтэй гэдэг зарчим барьж ажиллана. Иргэдээ татан авах, байр савны хүрэлцээ, эрүүл ахуй зэрэг олон чухал асуудал бий.

Өмнөх Засгийн газар, УОК сайн ажиллаж, олон сайн шийдвэр гаргасан ч зарим шатанд хангалттай сэтгэл гаргаагүйгээс асуудал үүссэн. Тиймээс бүх шатанд хатуу зохион байгуулалт, иргэдийнхээ оролцоог хангаж ажиллана” гэлээ.

Б.Лхам