Өмнөд Солонгосын реппэр PSY буюу Пак Жаэ Саны “Ганнам стайл” дууг “YouTube” сайтаар 200 сая гаруй удаа үзэж сонирхжээ. Энэхүү бүтээл АНУ-ын “iTunes” чартыг тэргүүлж байгаа юм. AFР-ийн мэдээлснээр реппэр залуу өөрийн албан ёсны “Twitter” хуудсандаа бичихдээ “200 сая удаа үзсэн. Баярлалаа та бүхэнд” гэжээ.Түүний морины бүжгийг сурах гэсэн залуус дэлхийн өнцөг булан бүрт байна. “YouTube” сайтын албаны хүн AFP-д өгсөн ярилцлагадаа “PSY-ийн “Ганнам стайл” дуу гарсан цагаасаа хамгийн эрэлттэй клипт тооцогдож байна. Тэр энэ чигээрээ явсаар байвал Жастин Бэйберийг давж, бүх цаг үеийн хамгийн их үзсэн видеогоор шалгарч магадгүй” гэжээ.
Түүний ярьснаар 34 настай реппэрийн энэхүү клип нь богино хугацаанд олон сая хүнд хүрсэн. Тиймээс бүх цаг үеийн амжилтад нэлээд хурдтай дэвшиж байгаа аж. “YouTube” сайт байгуулагдсанаас хойш залуу дуучин Жастин Бэйберийн “Baby” дууг 800 орчим сая удаа үзсэн байна.
