Шинэхэн бүрэлдсэн Л.Оюун-Эрдэнийн танхимын сайд нар салбартайгаа танилцан, цаашдын хийх ажлаа төлөвлөж байна. У.Хүрэлсүхийн танхмимын үед БШУ-ны сайд хамгийн их хэл ам татлаж, албан үүргээс нь огцруулах хүртэл асуудал яригдаж байв.

Тэгвэл энэ удаагийн сайдыг парламентаас сонгосон. БШУ-ын сайдын албанд томилогдсон УИХ-ын гишүүн Л.Энх-Амгалан өөрийн хийх алхмуудаа тодорхойлжээ.

Тэрбээр "Боловсрол, шинжлэх ухааны яамны удирдлагын баг, өмнөх сайд, дэд сайд, төрийн нарийн бичгийн дарга газар, хэлтсийн дарга нартай уулзлаа. Ахиад ч үргэлжилж 3 хоногт багтааж бүх мэдээллээ авна. 3 хоногт ажлаа эрэмбэлнэ. 

Шинэ сайд ирлээ гээд энэ хамт олныг хөдөлгөж, өөрчилж айдас хүйдэст автуулахгүй, хувь хүний хувьд мөнгө төгрөг, тендерээс хол ажиллана,  ямар нэгэн дарамт очихгүй. Гагцхүү бүтээлч байдал, ажил хэрэгч санал, зөв бодлого барьж ажиллана. Бас хурд  ажлын бүтээмж л нэхдэг гэдгээ хэлэв. Хамтарч ажиллана" гэлээ.

А.Сүх