Төрийн байгуулалтын байнгын хорооноос өнгөрсөн чуулганаар хийсэн ажлаа тайлагнаж байна.

Энэ үеэр УИХ-ын гишүүн Н.Энхболд Ерөнхийлөгчийн сонгуультай холбоотой мэдээлэл өглөө. Тэрбээр “Сонгогчийн нэрсийн жагсаалтыг үйлдэх дэг журам, давхар санал өгөхөөргүй байхаар зохион байгуулах, сонгуулийн үр дүн эргэлзээгүй байхаар олон заалтыг Ерөнхийлөгчийн сонгуулийн заалтад оруулж өглөө. Сонгуульд хүн нэр дэвшүүлж оролцож байгаа намуудын төлөөлөлд бүртгэлтэй холбоотой мэдээлэлтэй танилцах боломжуудыг оруулж өгсөн.

Мөн ял эдэлж байгаа болон авлига, албан тушаалын гэмт хэрэг үйлдсэн нь шүүхийн шийдвэрээр тогтоогдсон хүнийг Ерөнхийлөгчийн сонгуульд нэр дэвшүүлэхгүй гэдгийг нарийвчилж өгсөн.

Сонгуулийн сурталчилгааг найман хэлбэрээр явуулахаар хуульчилсан. Өмнөх жилүүдээс нэг онцлог нь сурталчилгааны хоног 15 хоног байхаар болсон. Олны саналыг өөртөө татахгүй байх хэмжээний хүн нэр дэвшихгүй гэж үзээд зардал бусад зүйлийг харгалзан үзээд хоногийн хувьд ингэж бага байхаар хуульчилсан.

Хар машинаар тоолсны дараа бүх саналыг дахин гар аргаар тоолж эцсийн дүнг гаргана. Мөн санал өгсөн иргэдийн гар дээр тэмдэглэгээ хийх заалт тусгасан” гэлээ.