УОК-ын дарга С.Амарсайхан коронавирусний шинжилгээ авч байгаа Баянзүрх дүүргийн 142 дугаар сургууль дээр очиж, шинжилгээ авч буй нөхцөл байдлын талаар танилцлаа. 

Энэ үеэр Шадар сайд С.Амарсайхан "Өнөө өглөө цаг авъя гэж ярихад хаана ч цаг байгаагүй. Гэтэл газар дээр нь ирээд үзэхээр боломж байна. Хагас, бүтэнсайнд цаг байна уу гэхээр байхгүй. Төлөвлөгөөт шинжилгээ хийнэ гэж байна. 

Шинжилгээ авах ажил нарийн төлөвлөгөөтэй явах ёстой. Шинжилгээний хариу авдаг цагийг богино болгох хэрэгтэй. Таамгаар явсан асуудалд хандаж болохгүй учраас нарийн зохион байгуулалтад оруулах гэж газар дээр нь ажиллаж байна. Танай шинжилгээ авах төвийн зохион байгуулалт харьцангуй сайн байна. Шинжилгээ авсан хүмүүс нэг дор хооллож байна. 

Тодорхойгүй голомтууд олон боллоо.

Халдвар хамгаалал алдагдсан газруудаас болоод тархаж байгаа вирусийг хумих ажлыг л хийж байна.  Хийх ажил тодорхойгүй байж болохгүй. Шуурхай штабын дэргэд цахим хайрцаг ажиллуулна. Иргэд болон алба хаагчдын саналыг авна. Үүнийг тусгай ангилж хараад хяналт шалгалт хийж арга хэмжээ авна. Ажлын асуудал учраас болохгүй зүйлээ үнэнээр нь ярьдаг баймаар байна.  Ажил хариуцаж байгаа хүмүүс ажилдаа эзэн болох асуудал чухал байна" гэлээ. 

А.Сүх