УОК-оос Сар шинийн баярыг тэмдэглэхгүй байх шийдвэр гаргаж, уламжлалт барилдааныг зохион байгуулахыг ч хориглосон. Харин МҮБХ-ноос Говь-Алтай аймагт барилдаан зохион байгуулах хүсэлтийг  Шадар сайд С.Амарсайханд хүргүүлсэн билээ. Энэ талаар  тэрбээр “Цагаан сарын баярыг бүх нийтээр тэмдэглэхгүй байх шийдвэр гаргасан.

Тиймээс эрсдэлээс сэргийлж, бөхийн барилдааныг зохион байгуулахгүйгээр шийдвэрлэсэн. Үүнийг МҮБХ ойлгоно гэж бодож байна. Цахимаар зохион байгуулах ямар боломж байгааг судалж үзсэн. Ингээд бүх нийтийн бэлэн байдал зарлаж байгаа энэ үед бөхийн барилдааныг зохион байгуулах ёсгүй гэсэн шийдвэрт хүрсэн. Нэгэнт ийм шийдвэр гарсан юм, Говь-Алтай аймагт ч  бөх барилдуулах боломжгүй гэсэн үг. Дараа нь хэдэн ч удаа зохион байгуулах боломжтой шүү дээ" гэв.

У.Тэргэл