Ерөнхий сайд эрүүл мэнд, эдийн засгаа сэргээх 10 их наядын цогц арга хэмжээний талаар танилцуулж байна.

Л.Оюун-Эрдэнэ: Миний бие Ерөнхий сайдаар томилогдоод дөрвөн зорилт дэвшүүлсэн. Өнөөдөр эхний хоёр зорилтын хүрээнд эрүүл мэнд, эдийн засгаа сэргээх төлөвлөгөөг өнгөрсөн хоёр долоо хоног боловсрууллаа.

Энэ төлөвлөгөө бүх хүнд таалагдахгүй.

Ажлын байрыг хамгаалах, олноор бий болгох нь уг төлөвлөгөөний зонхилох хэсэг байх болно. Цар тахалд нэрвэгдсэн, сульдсан бизнесийн цусны эргэлтийг сайжруулах нь гол зорилго байна. Тиймээс эдийн засагт шууд үр өгөөжөө өгөх томоохон үйл төслүүдээ шууд хэрэгжүүлнэ. Монголын нийгмийн 70 орчим хувийг залуус эзэлдэг. Тэднийг орон сууц, тогтвортой ажлын байртай болгох нь мөн энэ хөтөлбөрийн нэг зорилго байх болно.

Дээрх төлөвлөгөөг Засгийн газар дангаараа хэрэгжүүлэх боломжгүй бөгөөд УИХ, Монголбанктай хамтран ажиллана. Засгийн газар эхний 100 хоногийнхоо хүрээнд намын 100 жилээс өмнө иргэдээ вакцинжуулалтад бүрэн хамруулах зорилт тавьж байгаа.

Б.Лхам