Ерөнхийлөгч Х.Баттулгын өрх бүрд нэг сая төгрөг олгох саналыг Ерөнхий сайд Л.Оюун-Эрдэнэ  дэмжихгүй гэдгээ мэдэгдлээ.

Ерөнхийлөгч Х.Баттулга цар тахлын улмаас эдийн засаг саарч, иргэдийн амьжиргаа буурсан энэ үед иргэн, ААН-үүдээ дэмжих зорилгоор өрх бүрд нэг сая төгрөг олгох санал гаргасан. Ингэхдээ 800 мянган төгрөгийг үндэсний үйлдвэрлэгчдээс бараа худалдаж авах ваучер хэлбэрээр, 200 мянган төгрөгийн бэлнээр олгохоор тусгасан.

Уг саналыг Ерөнхийлөгч хэд хэдэн удаа УИХ-д өргөн барьсан бөгөөд МАН-ын зарим гишүүдээс Засгийн газарт уг саналыг судалж, танилцуулах үүрэг өгсөн. Хэрэв Засгийн газар боломжтой гэж үзвэл дэмжинэ гэдгээ илэрхийлсэн.

Тэгвэл Засгийн газрын боловсруулсан эрүүл мэнд, эдийн засгаа сэргээх 10 их наядын цогц төлөвлөгөөний танилцуулгын үеэр Ерөнхий сайд албан ёсны байр суурь өглөө. Ингэснээр Ерөнхийлөгчийн дээрх санал хэрэгжих боломжгүй болж байна.

Б.Лхам