УОК-оос мэдээлэл хийж байна.

ЦЕГ-ын дэд дарга, хурандаа Ж.Амгалан "Бид өмнө гарч байсан алдаа дутагдал зэргийг нэгтгэж байгаад энэ удаагийн нэгдсэн төлөвлөлтийг хийсэн. Хязгаарлалтын дэглэм баримтлах, хөл хорионы үеийн дэглэмийг баримтлан ажилана. Засгийн газрын тогтоолоор хөл хорионы үеэр үйл ажиллагааг нь хориглохгүй байгууллагын үйл ажиллагааг нэгдсэн зохион байгуулалтаар хангаж ажиллана. 

Томоохон зах, худалдааны төвүүд энэ сарын 16 хүртэл ажиллахгүй гэдгээ урьдчилан мэдэгдсэн. Иймд жижиг дэлгүүрүүд бараа татан авалтаа хийж, нөөцөө бүрдүүлсэн. Дэлгүүрүүд бараа татна гэж замын хөдөлгөөнд оролцохгүй.

Зөвшөөрөл бүхий 14 салбарын ажилтан, албан хаагчид л нийтийн тээврээр зорчино. Нийтийн тээврийн хэрэгслийн тоо ихээхэн буурсан.  

Үйлчилгээний байгууллагууд буюу орон сууцны контор, тохижилт үйлчилгээ, хувийн хамгаалалтын байгууллагуудын ажлын бүлэг томилогдсон. Нэг бүлэг 72 цагийн хугацаагаар ажиллана. Дуудлагын машинууд нь бүгд логотой байх шаардлагатай. Жолооч нар ажлын талбартаа ойрхон байхаар зохион байгуулсан. 

Эмнэлэгт очих иргэд хувийн машинаар явахыг зөвшөөрнө. Мөн гачигдал гарсан тохиолдолд зөвшөөрөл олгоно. Түүнээс өөрөөр хувийн автоамашин зорчихийг хориглоно. Иргэд хүүхдээ хажуудаа суулгаад, хүүхдээ эмнэлэгт үзүүлнэ гээд сэлгүүцсэн. Камераар хянах тул сэлгүүцэх боломж бага. ЦЕГ дрон нисгэж хянана. Хамгаалтад ажиллаж байгаа алба хаагчид 24 цагаар найм найм гэсэн хувиараар ажиллана. 

Нийслэлээс орох гарах хөдөлгөөний хувьд маргааш өглөө 06.00 цагаас эхлэн нийслэл рүү орох болон гарах хөдөлгөөнийг бүрэн хаана. Гачигдал гарсан иргэд УОК руу цахимаар хандан, өргөдөл өгнө. Тэдний хүсэлтэд шуурхай хариу өгнө. Зөвшөөрөл өгсний дараа нэвтрүүлнэ.

Хөл хорио тогтоосны дараа зарим иргэн тусгаарлах байрнаас гарах болно. Тэднийг УОК гэр гэрт нь хүргэнэ. Эмнэлэг рүү явах, хувийн авто машингүй иргэд ойролцоо байгаа төрийн албан хаагчид хандаарай. Түргэний машинууд эдгээр иргэдэд тусална.

Нийслэлд нийт 15 мянган төрийн  албан хаагч ажиллана. Тэднийг хороо тус бүрд хуваарилсан. Гэр хороололд тавих хяналтыг мөн төлөвлөсөн. Нэг цэгт ажилласан албан хаагч тэндээ л ажиллана, солихгүй. Бүх төрийн албан хаагч ханцуйн дээрээ КОВИД-19 гэсэн улаан тэмдэгтэй байна. Та бүхэн албан хаагчидтай соёлтой, боловсон харилцаарай. Шинийн нэгний өглөө уул руу гарах нь хориотой. Төрийн байгууллагууд болон үйлчилгээний байгууллагууд 24-72 цагаар ээлжлэн байрлаж, ажиллах зохион байгуулалт хийсэн.     

Б.Баатар