Бүх нийтийн бэлэн байдлын зэрэгт шилжсэнтэй холбогдуулан Шадар сайд С.Амарсайхан иргэддээ хандан уриалга гаргалаа.
Тэрбээр "Цар тахлын эрсдэлийг бууруулах зорилгоор Засгийн газраас сар шинийн баярыг тэмдэгэхгүй байх шийдвэр гарсан. Үүнтэй холбогдуулан энэ өдрүүдийг Гамшгаас хамгаалах бэлэн байдлын зэрэгт шилжүүлж нийслэлийн хэмжээнд тархаад байгаа цар тахлын голомтыг хумих зорилгоор “нэг хаалга-нэг хүн” шинжилгээ авах арга хэмжээг элүүлж байна.
Дээрх ажлыг амжилттай хэрэгжүүлэхийн тулд зохион байгуулалтыг чиг үүргийн хувьд гурав хувааж ажиллаж байна.
Нэгдүгээрт, Эрүүл мэндийн сайдаар ахлуулсан баг иргэд, айл өрхөөс шинжилгээ авах, сорьц тээвэрлэх, шинжлэх, түүний эсрэг хариу арга хэмжээ авах, эрүүл мэндийн тусламж үйлчилгээ үзүүлэх үйл ажиллагааг хэрэгжүүлнэ.
Хоёрдугаарт, хотын даргаар ахлуулсан баг шинжилгээ авах нөхцөл байдлыг бүрүүлэх, үйл ажиллагааг зохион байгуулах, алба хаагчдыг тэээрлэх, бусад шаардлагатай цогц арга хэмжэг авна.
Гуравдугаарт, хөл хорио, хязгаарлалтын үед хэв журмыг сахиулах хөдөлгөөний хяналт зохицуулалт хийх, иргэдийн амар тайван байдлыг хангах, гэмт хэрэг зөрчдөөс урьдчилан сэргийлэх зорилгоор ЦЕГ-ын дэд даргаар ахлуулсан бие бүрэлдэхүүнд даалгаж байна.
Дээрх арга хэмжээнд 27 мянган төрийн алба хаагч дайчлагдан ажиллаж байна. Тиймээс нийт иргэд та бүхэн энэ цаг үед иргэний үүргээ биелүүлж, дэглэм журмаа сахин хариуцлагатай байж, хамтарч ажиллана гэдэгт итгэлтэй байна. Хамтдаа хичээцгээе” гэлээ.
Б.Лхам
