Уэльсийн хунтайж Чарльз, Корнволлийн гүнгийн авхай Камилла нар КОВИД-19-ийн вакцины эхний тунгаа тариулсан тухай Кларенсийн ордноос мэдэгдлээ. Хунтайж Чарльз, гүнгийн авхай Камилла хоёр цар тахалд өртөх эрсдэлтэй бүлэгт багтаж буй юм. Хунтайж Чарльз энэ жил 72 настай бол гүнгийн авхай Камилла 73 настай учир КОВИД-19 цар тахлын халдвар авах эрсдэлт бүлгийн 4 дүгээрт орж буй юм.

Хунтайж, гүнгийн авхайд хаана үйлдвэрлэсэн, ямар нэртэй тарилгыг хаана нь тарьсан талаар мэдээлээгүй аж. Хунтайжийн эцэг эх Ханхүү Пилип, Хатан хаан II Элизабет нар өнгөрсөн сард КОВИД-19 тахлын эсрэг вакцин хийлгэсэн билээ.

Хатан хааны гэр бүлийнхний эрүүл мэндтэй холбоотой асуудлаар Букингемийн ордноос ямар ч мэдээлэл өгдөггүй хэдий ч товлолт болон урьдчилан сэргийлэх вакциныг хааны гэр бүлийн эмч хийдэг гэдэг нь ил болжээ.