Монгол Улсын Ерөнхий сайд Л.Оюун-Эрдэнэ ЦЕГ болон ЭМЯ-нд ажиллалаа.

Тэрбээр энэ үеэр "Хөл хориотой холбоотойгоор иргэдээс ирж байгаа гомдол, "Нэг хаалга-Нэг шинжилгээ"-ний явцын талаар мэдээлэл авч ажиллалаа. Сар шинийн баяраар буюу хөл хорио тогтоосон эдгээр өдрүүдэд Улаанбаатар хотын хөл хөдөлгөөн 98 хувь зогссон байна. Засгийн газрын шийдвэрийг дагаж, мөрдөж байгаа ард иргэддээ баярлалаа. Ингэж хөл хөдөлгөөнөө баримталж чадвал, коронавирусний цар тахлыг хумьж, эдийн засгаа нээж, эрсдэлгүй бүлэг болох боломж бүрдэнэ гэж харж байгаа.

Улсын эдийн засаг хүнд байгаа учир эрсдэлгүй болж, үйл ажиллагаагаа хэвийн үргэлжлүүлэх шаардлага тулгарч байна. Түүнээс төр халамжийн бодлого баримтлаад явах боломжгүй. Хөл хорио тогтоож, нэгдсэн арга хэмжээ явж байгаа учраас алдаа оноо гарахыг үгүйсгэхгүй. Тиймээс иргэд үүнийг ойлгож, уучлаарай.

"Нэг хаалга-Нэг шинжилгээ"-г хийснээр коронавирусний цар тахлын голомты хумих, иргэдийн болон вакцинжуулалтын бүртгэл явагдаж байгаа юм. 

Цаашид хөл хөдөлгөөнийг гэнэт тавихгүй. Урьдчилж мэдээлж байх боломж бүрдүүлнэ гэж харж байгаа. Бид зорилгодоо хүрч чадвал дахин хөл хорио тогтоохгүй байх боломжтой болно" гэлээ.

Б.Баатар