Нийслэлийн орон сууц, сургууль цэцэрлэгийн халаалтыг энэ сарын 15-наас өгч эхэлсэн. Гэвч зарим сургууль, цэцэрлэгт халаалт ирэхгүй байгаа аж. Одоогоор нийслэлд 1340 гаруй орон сууц, сургууль, цэцэрлэг байдгаас 66 орон сууц халаалтгүй байгаа юм байна. Энэхүү газруудад засварын ажил дуусвал дулаан өгөх аж. Түүнчлэн орон сууц, аж ахуйн нэгжүүдэд дулаан өгсөн цагаасаа л дулааны төлбөрийг тооцож авахаар болсон гэнэ. Харин тухайн орон сууцны сууц өмчлөгчдийн холбооны буруугаас болж халаалт нь ирээгүй бол Орон сууц, нийтийн аж ахуйн газар хариуцахгүй юм . Учир нь дулааны шугам сүлжээ дундын өмч гэдэг болохоор оршин суугчдаас төлбөр авах учиргүй ажээ. Иргэн таньд төлбөр тооцооны асуудлын талаархи санал гомдол байгаа бол Улаанбаатар дулааны шугам сүлжээний газарт хандах юм байна шүү.