Нийслэлийн Засаг дарга бөгөөд Улаанбаатар хотын Захирагч Д.Сумъяабазар Нийслэлийн үйлчилгээний нэгдсэн төвийн Дүнжингарав салбарт ажиллалаа. 

Тэрбээр энэ үеэр “Гэр хорооллын алслагдсан дүүргүүдэд иргэдээс нийтийн тээврийн үйлчилгээ муу байгаа талаар санал, гомдол ирүүлж байна. Иргэдэд мэдээллийг ойлгомжтой хүргэж хэрэгтэй байна. Цагийн хуваарийг тодорхой байдлаар хүргэх хэрэгтэй.

ЭМЯ-нд ажиллагсдаас мөн гомдол ирсэн. Хоёр цаг гаруй автобус хүлээгээд ирсэнгүй гэсэн. Мэдээлэл дутмаг байгаагаас цагийн хуваариа мэдэхгүй байна. Үүнээс үүдэн хүлээлтийн байдал бий болоод байна.

Шинжилгээ авахдаа аль болох иргэдийг хүлээлгэхгүй, оочерлуулахгүй байх хэрэгтэй. Ийм чиглэл өчигдөр УОК-оос гарсан. Шаардлагатай тохиолдолд шинжилгээний цэгүүдийг нэмэгдүүлье. Мөн энэ сарын 8-аас хойш шинжилгээ өгсөн бүх хүний хариу хүчинтэй. 72 цагийн дотор хүчинтэй гэсэн зүйл байхгүй шүү.

Түүнчлэн иргэдээс ирүүлсэн гомдол, мэдээллийг удааж болохгүй. Түргэн шуурхай ажиллах, шийдэх, хариу үйлдлийг богино хугацаанд хүрэх хэрэгтэй. Хүнд суртал гаргаад юу ч хожихгүй. Хуулийн дагуу хурдтай ажиллах ёстой" гэлээ. 

А.Сүх