ХХААХҮ-ийн салбарын зарим дарга нар ажлын байран дээрээ архидан согтуурч, зодоон хийсэн мэдээлэл цахим сүлжээнд тархсан.

Энэ талаар Салбарын сайд З.Мэндсайхан "Хөдөө аж ахуйг дэмжих сангийн эд захирал Н.Алтанзагас, Дэд захирал М.Цэрэндорж, Санхүү бүртгэл, хөрөнгө оруулалтын газрын дарга Ц.Бат-Эрдэнэ, Хууль эрсдэл, өрийн удирдлагын газрын дарга Б.Энхбаяр, Ерөнхий болон ахлах нягтлан бодогч нар нийлж, ажлын байрандаа .архидан, зодолдож танхайрсан учир цагдаагийн 102 дугаарт дуудлага өгсөн байна.

Надад ирсэн мэдээллээр нийт таван ажилтан ажлын байрандаа архи, согтууруулах ундаа ууж, дотоод зөрчлөөсөө үүдэн, зодоон болсон байна.

Ажилтнууд нь ийм хариуцлагагүй байдал гаргасан учраас тус сангийн захирлыг ажлаас нь чөлөөлж байна.

Оронд нь үүрэг гүйцэтгэгчийг түр томилно. Мөн ажлын байрандаа архи уусан алба хаагчдыг ажлаас нь чөлөөлөх, албан тушаал бууруулах, сахилгын хариуцлага тооцох зэрэг шаардлагатай бүхий л хариуцлагыг тооцно" гэлээ. 

У.Тэргэл