ХЗДХ-ийн сайд Х.Нямбаатар дараах уриалгыг гаргалаа.

Тэрбээр “Зөрчлийн хуулийг таниулах талаар салбар бүрд ажил зохион байгуулаасай гэж хүсэж байна. Монгол Улсад жилд бүртгэгдэж байгаа 1.3 сая гаруй зөрчлийн 90 гаруй хувь нь замын хөдөлгөөнтэй холбоотой зөрчил байна. Иргэд бүгд зөрчлийн хуульд дарлагдаж байна гэдэг эрх зүйг үгүйсгэх хандлага суусан. Улстөрчид нь ч тэр ингэж ярьдаг.

Бид энэ эрх зүйг үгүйсгэх үзлийг багасгахгүй бол бидний энэ ажил үр дүнд хүрэхгүй. Замын хөдөлгөөний соёлд сургах, зам тээврийн осол, зөрчил гаргахаас урьдчилан сэргийлэх тал дээр бүх нийтээрээ хамтран ажиллаж, иргэдийн эрх зүйг үгүйсгэх үзлийг үгүй хийхийн төлөө хамтарч ажилламаар байна.

Нөгөөтээгүүр, Зөрчлийн тухай хуулийг иргэдэд зөв сурталчлан таниулах талаар сургалт, сурталчилгаа, танин мэдэхүйн чиглэлээр түлхүү анхаарч ажиллавал тодорхой ахиц гарна. Бүх зүйлийг болчихсон хойно нь механикаар гэмт хэрэг, зөрчлийг анхаарч ажиллаад байна" гэлээ. 

А.Сүх