УОК-оос мэдээлэл хийж байна.
УОК-ын дарга Шадар сайд С.Амарсайхан "Монгол Улсын Засгийн газар эрүүл мэндээ хамгаалж, эдийн засгаа сэтгээхийг гол зарчим болгон ажиллаж байна. "Нэг өрх нэг шинжилгээ" үр дүнтэй хийгдэж байна. Вакцинжуулалтын ажлыг хийхээр бэлтгэл ажлыг хангаж байна. Мөн энэ сарын 23-ны өдрөөс ажил амьдралыг хэвийн горимд шилжүүлэхэд дагаж мөрдөх, журмыг боловсруулсан. Энэ хүрээнд 10 их наядын бодлого шийдвэрийг хэрэгжүүлэхээс гадна аж ахуй нэгж, байгууллагын 95 хувь нь үйл ажиллагаагаа хэвийн горимд явуулна. Тодруулбал, бар цэнгээний газар, хүүхдийн тоглоомын газар, олон нийтийг хамарсан арга хэмжээг зохион байгуулах, өргөтгөсөн болон үзэсгэлэн худалдааны үйл ажиллааг хориглох юм.
Гамшгийн бэлэн байдлын үеийн төвшинг тодорхой болгосон. 23-наас шар түвшинд шилжин ажиллана. Энэ хүрээнд хэрхэн ажиллах, зөвшөөрөх гэх мэт бүх зүйлийг тодорхой зааж өгсөн. Зайлшгүй шаардлага гарсан үед тодорхой хэсэгт хэсэгчилсэн байдлаар хөл хорио тогтоохоос бус бүх нийтийг хамарсан хөл хорио тогтоохгүй.
Гуравдугаар сарын 10-ны өдрөөс бүх шатны сургуулийн үйл ажиллагааг үед шаттайгаар нээхээр төлөвлөж байна. Одоогоор хүүхэд багачуудад вакцин хийх боломж байхгүй. Улаанбаатарт 150 гаруй голомт байгаа учраас шууд 23-ны өдрөөс хичээл сургуулийг нээх боломжгүй байгаа учраас хугацааг ийнхүү тогтоосон.
Сард 10-12 удаагийн нислэгээр гадаадаас иргэдээ татан авна. Ирэх иргэд тусгаарлах байраа өөрсдөө сонгох бөгөөд 10-14 хоног тусгаарлахаар болсон. Иргэдийг гэрийн орчинд нь тусгаарлах ажлыг судалж байгаа. Эдгээр иргэдийг цахим технологиор хянаж, зөвлөгөө өгөх юм.
Мөн гадаадаас ирэх иргэддээ тийзийн хөнгөлөлт үзүүлэх боломжийг олгож байгаа. Орон нутаг Улаанбаатар хоорондын хөдөлгөөнийг гуравдугаар сарын эхэн хүртэл нээхгүй.
Харин хил гаалиа нээх эсэхээ одоогоор тогтоогоогүй байна. Ямартай ч энэ сарын 23-ны өдрөөс Алтанбулаг боомтын үйл ажиллагааг нээнэ.
Үүрэг гүйцэтгэж байгаа төрийн албан хаагч бөгөөд цагдаагийн алба хаагчид хүнд байдалд ажиллаж байгаа нь үнэн. Бид зохион байгуулалтыг сайжруулахад шат шатандаа анхаарч ажиллаж байгаа" гэв.
Б.Баатар
