Сүүлийн үед ард иргэд эрдэнэт амиа алдсан мэдээ бүхэн барилга,
үйлдвэрлэлийн осолтой холбоотой боллоо. Юм л бол баригдаж буй барилгын
дэргэдүүр явж байсан хүний дээрээс төмөр, плита ойчиж, унах болсон нь
юуны учир вэ? Өнгөрсөн онд барилгын буюу үйлдвэрлэлийн ослоор амиа
алдсан хүний тоо 46 хүрсэн байна. Гэтэл 2012 оны эцсээр энэхүү статистик
хэд дахин нэмэгдэх нь ойлгомжтой болоод байна. Зөвхөн есдүгээр сард
болсон үйлдвэрлэлийн ослуудыг дурдъя.
Сүүлийн үед ард иргэд эрдэнэт амиа алдсан мэдээ бүхэн барилга, үйлдвэрлэлийн осолтой холбоотой боллоо. Юм л бол баригдаж буй барилгын дэргэдүүр явж байсан хүний дээрээс төмөр, плита ойчиж, унах болсон нь юуны учир вэ? Өнгөрсөн онд барилгын буюу үйлдвэрлэлийн ослоор амиа алдсан хүний тоо 46 хүрсэн байна. Гэтэл 2012 оны эцсээр энэхүү статистик хэд дахин нэмэгдэх нь ойлгомжтой болоод байна. Зөвхөн есдүгээр сард болсон үйлдвэрлэлийн ослуудыг дурдъя.
2012 оны 9 сарын 19-нд ХУД-ийн гуравдугаар хороо, 18-р сургуулийн хажуугийн барилгын найман давхраас хоёр ажилтан унаж хүнд бэртсэн.
2012 оны 9 сарын 18-нд Төрийн ордны хамгаалалтын хашааны хажуугаар явж байсан охины толгой дээрээс тоосго унаж гэмтээсэн.
2012 оны 9 сарын 17-нд ШУТИС-ийн оюутан 20 настай У гэртээ харьж яваад “Тэнгис” кино театрын хажууд баригдаж буй барилгын төмөрт цохиулж амиа алдсан.
2012 оны 9 сарын 11-нд ХУД-ийн 15-р хороонд баригдаж буй “Натур хаус” компанийн орон сууцны барилгаас туслах ажилтан 42 настай Э хананд бэхэлгээ хийж байгаад найман давхраас унаж амиа алдсан.
2012 оны 9 сарын 11-нд ХУД-ийн 15-р хороонд баригдаж буй “Страйк” компанийн барилгад туслах ажилтнаар ажиллаж байсан Хан-Уул дүүргийн IX хороо, Буянт-Ухаагийн есдүгээр гудамжинд оршин суух 15 настай Д барилгын шат нурснаас есөн давхраас унаж хүнд гэмтэн Гэмтэл согог судлалын үндэсний төвд хүргэгдсэн.
2012 оны 9 сарын 8-нд Төв цэнгэлдэх хүрээлэнгийн зүүн талд “Хурд” группийн захиалгаар баригдаж байгаа “Рапид харш” орон сууцны барилгын кран хугарч 26 настай жолооч залуу амиа алдсан. Энэ хэрэг явдлын талаар нэлээд нууцалж байгаа бөгөөд УИХ-ын гишүүн Б.Чойжилсүрэнгийн "Хурд" компанийн барилга дээр ноцтой осол гарсан учир ингэж байгаа гэх.
2012 оны 9 сарын 3-нд БГД-ийн нэгдүгээр хороо, Шастины нэрэмжит III эмнэлгийн баруун талд баригдаж буй барилгад бетон зуурмаг шахаж байсан кран 12 настай охин Е-ийн дээрээс нурж амь насыг нь хохироосон. Кранд даруулсан машины жолооч хүнд бэртсэн.
2012 оны 9 сарын 3-нд БЗД-ийн 13 дугаар хорооны нутагт байрлах “Сүнжин гранд” зочид буудлын хашаан дотор үерийн ус зайлуулах нүхэнд 57 настай Г унаж нас барсан.
2012 оны 9 сарын 3-нд СХД-ийн 22 дугаар хороо, “Бридж констракшн” ХХК-ийн барьж байсан барилгын дөрвөн давхраас БНАСАУ-ын иргэн унаж нас барсан.
Зөвхөн олон нийтэд мэдэгдсэн барилга, үйлдвэрлэлийн ослоор есдүгээр сарын эхний гурван долоо хоногт долоон хүн амиа алдаж, дөрвөн хүн хүнд бэртсэн байна. Тэгвэл эдгээр иргэдийн алтан амь, эрүүл мэндийг хэн нөхөж өгөх юм бол? Харамсалтай энэ хэргүүдэд хэн хариуцлага хүлээх юм?
Эзэн хариуцлагагүй хэргүүд цувран гарсаар ... хэн буруутай, хэн хариуцлага хүлээх талаар хариулт өгчих мөрдлөгийн ажил, хууль дүрэм, үр дүн огт алга. Зарим нь нийслэл хотдоо ном уншуулъя хэмээн ярьж байна. Бид дундад зууны үед амьдарч байгаа биш дээ, ядаж арай орчин үетэйгээ хөл нийлүүлэн мухар сүсэглэе. Өнгөрсөн наймдугаар сард Ройтерс агентлагын цахим хуудаснаа “Монгол улсад баялагийн хараал хүрэхэд ойрхон байна” хэмээх нийтлэл гарч байлаа. Асар их нөөц баялаг хөгжлийг биш хараалыг дагуулах тохиолдол олон улсын туршлагад байдаг аж. Тиймээс эзэн нь олдохгүй ослын хариуцлагыг байгууллагад биш баялагийн хараалд үрүүлээд өнгөрөх гэж үү? Энэ их харамсал манай улсад хөдөлмөрийн аюулгүй байдал, хүний амьд явах эрх, хариуцлага хүлээх үүрэг, хууль дүрмээ мөрдөх явдал хэр сайн хэрэгжиж байгааг харуулж байна.
Цувран гарсан харамсалтай хэргүүд олныг жигшээж, барилгын ослын талаарх яриа олон нийтийн мэдээллийн хэрэгслүүдээр ийн хөвж явна.
1. Дээшээ харж явахгүй бол төмөр уначих гээд, доошоо харж явахгүй бол траншейнд уначих гээд, хажуу тийшээ харж явахгүй бол машинд дайруулчих гээд байх юм. Хаашаа харж явахыг хэлээд өгөөч та минь ээ.
2. Дээшээ тэнгэр хол ч кран ойрхон, доошоо газар хатуу ч траншейн ойрхон болжээ.
3. Нэг хэсэг усны гутал янз янзаараа гарсан шиг загварын каск янз бүрээрээ гарах вий дээ. Онцгой байдал зарлахаар LV-тэй, цэцэгтэй, брэндийн шошготой каск өмсөөд явж байвал гайхахгүй болох нь.
4. Ажлаа хийж хийж алжаалаа тайлахаар гэртээ ирэхэд хажууд баригдах барилгын дуу чимээ тавгүй болгох юм.
5. 1. Дээшээ харж явахгүй бол төмөр уначих гээд, доошоо харж явахгүй бол траншейнд уначих гээд, хажуу тийшээ харж явахгүй бол машинд дайруулчих гээд байх юм. Хаашаа харж явахыг хэлээд өгөөч та минь ээ.
2. Дээшээ тэнгэр хол ч кран ойрхон, доошоо газар хатуу ч траншейн ойрхон болжээ.
3. Нэг хэсэг усны гутал янз янзаараа гарсан шиг загварын каск янз бүрээрээ гарах вий дээ. Онцгой байдал зарлахаар LV-тэй, цэцэгтэй, брэндийн шошготой каск өмсөөд явж байвал гайхахгүй болох нь.
4. Ажлаа хийж хийж алжаалаа тайлахаар гэртээ ирэхэд хажууд баригдах барилгын дуу чимээ тавгүй болгох юм.
6.
7.
8.
9.
10.
11.
12.
13.
14. 
15.
16.
17.
www.24tsag.mn
