УИХ-ын гишүүн асан Л.Гүндалай хэдэн жил Хөвсгөл аймгийн АН-ын даргаар ажилласан. Харин түүнийг 2012 оны УИХ-ын сонгуулийн өмнө энэ ажлаас нь чөлөөлөх шийдвэрийг аймгийн АН-ынхан гаргасан. Харин Л.Гүндалай үүнийг нь хууль бус шийдвэр хэмээн эсэргүүцэж, тамгаа өгөхгүй хав дарсаар байна. Түүнийг Орон нутгийн сонгуулиар Хөвсгөлийн засаг дарга болохоор зүтгэж байгаа гэх мэдээлэл ч гараад байгаа юм. Харин Орон нутгийн сонгууль дөхөөд байхад тамгагүй суугаа Хөвсгөлийн АН-ын гишүүд тамгаа хаясан гэж цагдаад мэдүүлээд шинээр хийлгэхийг хүсчээ. Гэтэл өнөөх "гайхал" Л.Гүндалай цагдаа нарт "энэ байна" гээд гаргаад үзүүлжээ. Тиймээс Хөвсгөлийн АН-ын даргын тамгыг Л.Гүндалайгаас л авахаас өөр аргагүй байдалд хүрчээ. Ямар хүч түрэн булааж авалтай биш гээд гишүүд нь энэ асуудлаар ерөнхий сайдад хандахаар зэхэж байгаа гэнэ. "УИХ-ын гишүүний ажлаас хөндийрч гэр бүлтэйгээ сайхан байна" гэж өгүүлж байсан Л.Гүндалай албан тушаалын хойноос ийнхүү хөөцөлдсөөр байна.