Ерөнхийлөгчийн сунгаа болоход ердөө гурван сар гаруйн хугацаа үлдлээ. Удаах сонгуульд парламентад суудалтай дөрвөн нам буюу өөрөөр хэлбэл, МАН, АН, МАХН, ХҮН-аас төлөөллөө нэр дэвшүүлэх эрхтэй.

Одоогийн байдлаар ХҮН иргэд, сонгогчидоосоо санал авч, зөвлөлдсөний үндсэн дээр нэр дэвшигчээ тодруулна гэдгээ мэдэгдсэн. Харин МАН 100 жилийн ойгоороо Ерөнхийлөгчид нэр дэвшигчээ тодруулах сурагтай.

Харин АН-ын хувьд ирэх дөрөвдүгээр сарын 25-нд намын даргаа сонгохоор тус намын Дотоод хороо нь бэлдэж буй аж.

Тус намын хувьд С.Эрдэнэ, Ц.Туваан гэсэн хоёр удирдлагатай болж, иргэдэд ихээхэн эргэлзээ үүсгээд байгаа билээ. Тэгвэл уг хурлаараа намыг толгойлох дараагийн удирдагчаа сонгохоос гадна ерөнхийлөгчийн сонгуульд нэр дэвшигчээ мөн тодруулах бололтой.

МАХН-ын хувьд МАН-тай нэгдэхээ илэрхийлсэн гэх мэдээлэл бий. Хэрэв эдгээр намууд нэгдвэл Ерөнхийлөгчийн ээлжит сонгуульд гурван намын төлөөлөл оролцоно гэсэн үг.

А.Сүх