Ерөнхий сайд Л.Оюун-Эрдэнэ Аялал жуулчлалын салбарынхантай уулзлаа.

Энэ үеэр тэрбээр “Улаанбаатар хот маань шар бүс рүү орсон байна. Цаашид ногоон бүс рүү орулахын төлөө хичээж ажиллана.

Монгол Улс 30 жилийн урт хугацааны бодлого гаргасан.  

Манайх далайд гарцгүй улсын хувьд тээвэр логистикийн салбар туйлын чухал. Бид контайнераар тээвэрлэх ёстой. Мөн Богд уулын өмнө томоохон худалдааны төвүүдээ үе шаттай гаргана. Монгол Улс зөвхөн импортлогч биш экспортлогч орон байх ёстой. Аялал жуулчлалын салбарын хувьд бидэнд маш их боломж байна. Аялал жуулчлалын салбарыг эхлээд төр дааж ажилласан. Дараа нь  хувийн хэвшлийнхэнд нь үлдээсэн. Өнөөдөр төр, хувийн хэвшлийн түншлэлийн цоо шинэ хуудас эхэлж байна гэж бодож байна.

Монгол Улс нэгдсэн байдлаар маркетинг хийж чадахгүй байна. Манай улсад байгалийн баялгийн хувьд хангалттай ч сурталчилгаа бага байна. Богино хугацаанд дуу байгаа зүйлээ нөхөх вэ гэдэг гол асуудал болоод байна. Монгол Улсын хувьд зүүн бүс нутаг түүхэн аялал жулчлалаар хөгжих боломжтой. Бид өнгөрсөн хугацаанд аялал жуулчлалыг газар нутгаар хийх гэж оролдсон нь жам ёсны байдлыг эвдсэн гэж үзэж байна. Тиймээс эдийн засагтай нь уялдуулъя.

Тухайлбал, Дорноговь, Өмнөговь аймаг аж үйлдвэрийн нутаг байхаар анхааръя. Баян-Өлгий, Увс, Ховд эрэг аймгууд сэргээгдэх эрчим хүчний, өвлийн аялал жуулчлалын чиглэлээр хөгжүүлэх зэргэр төр оролцохоос өөр аргагүй байна. Үүнийг “Алсын хараа-2050” дээр тусгасан.

Вакцинжуулалтыг хийж эхэлсэн. Үе шаттай хэрэгжээв явна. Энд хамрагдсан иргэддээ хилээ нээх бодлогыг барьж байгаа. Ингээд хамтдаа шинэ, эрүүл, идэвхтэй амьдралын хэмнэлээр бууж өгөх биш, довтлосон тактикаар эрүүл мэнд, эдийн засгийн хямралыг даван туулъя" гэлээ. 

А.Сүх