Монгол Ардын Намын 100 жилийн ой, Эх орончдын өдрийг тохиолдуулан Ерөнхий сайд Л.Оюун-Эрдэнэ, УИХ-ын дарга Г.Занданшатар, намын дарга У.Хүрэлсүх, Ерөнхий нарийн бичгийн дарга Д.Амарбаясгалан нар болон бусад гишүүд жанжин Д.Сүхбаатарын хөшөөнд цэцэг өргөж, Чингисийн хөшөөнд хүндэтгэл үзүүллээ.

Энэ үеэр УИХ-ын гишүүн Д.Цогтбаатар “Монгол Улс тусгаар тогтносон. Дараа нь ардчилсан улс болоод иргэд нь чөлөөтэй болсон гэдэг өөрөө маш том амжилт. Энэ амжилтыг бид хамтдаа 100 жилдээ бүтээлээ.

Монгол соёл иргэншил, төрт ёс гэвэл олон зуун жилийг ярина. Монголын газар нутаг дээр төрт улс бий болсон гэвэл бүр хэдэн мянган жилээр ярина. Гэтэл сүүлийн жилийн дотор томоохон үсрэнгүй хөгжилд хүрсэн гэдэг өмнөх болон бидний үеийнхэн ямар ч байсан улс орны хөгжилд хувь нэмэр оруулсны бэлгэ тэмдэг, шинж юм.

Үүн дотор улс төрийн ууган намын оролцоо их байсан.

МАН, МАХН хоёр хамтраад цэцэг өргөсөн нь бэлгэ дэмбэрэлтэй сайхан байна. Монголчууд эвтэй байхдаа хүчтэй гэж ярьдаг. Дотроо эвсэн ойлголцож, зүүн төвийн үзэл баримтлалтай хоёр нам нэг чигт харж явах нь зөв гэж бодож байна. Хоёр нам нэгдээсэй гэж хүсэж байна" гэлээ. 

Б.Лхам