УИХ-ын гишүүн Г.Амартүвшин Хөгжлийн банкны гүйцэтгэх захирлаар ажиллаж байхдаа томоохон хэд хэдэн зээлийг эрх мэдлийнхээ хүрээнд бусдад олгосон байдаг. Тэдний дунд УИХ-ын гишүүн Г.Дамдинням, Х.Ганхуяг нарт олгосон 33 тэрбумын зээл багтдаг юм.

Тэд энэхүү зээлийг дүрэм журмынх нь дагуу авсан гэдэг ч үнэндээ бол хууль зөрчиж олгосон байж болзошгүй нөхцөл байдал тогтоогджээ.

Тодруулбал, Г.Амартүвшин банкны гүйцэтгэх захирлын эрх мэдэл, албан тушаалаа ашиглан Г.Дамдинням, Х.Ганхуяг нарын хамаарал бүхий “Вертекс майнинг партнер” ХХК-д 33 тэрбумын зээлийг өгсөн гэсэн үг юм.

Тиймээс Хөгжлийн банкны одоогийн удирдлагууд уг асуудлыг шалгуулахаар Авлигатай тэмцэх газарт хандсан байна. Энэ дагуу АТГ-аас эрхэм гишүүдийг уг хэрэгт холбогдуулан шалгаад эхэлжээ.

У.Тэргэл